Gobierno Vasco

HISTORIA PIXKA BAT

1881-Dokumentatuta dagoen lehen eskola publikoa irekitzen da Katean. Egoitza desberdinak erabili ziren hainbat urtetan.

1929-“Errepublika” izeneko eraikina altxatzen da auzoko eskola kokatzeko. Gaur egun oraindik Gipuzkoan dagoen eskola publikoaren eraikin zaharrena da.

1959-Eskola berria eraikitzen dute.

1992-Borroka luze baten ondoren eskola berria eraiki zuten, gaur egungo Lehen Hezkuntzako eraikina barne.

2014-Haur Hezkuntzako eraikin berria ireki zen.

1929 1962-63
1929 Kateako eskolaren lehen harria 1962-63

 

ESKOLA EUSKALDUNA

Irungo eskola publikoen artean Elatzeta izan zen B eredua lehenik eta D ondoren ezarri zuen aintzindarietako bat. Honek erakusten du gure ikastetxean euskarari ematen diogun garrantzia. Gure helburu nagusietako da gure ikasleak euskaraz jariotasunez eta pozez aritzea. Ahalegin handiak egiten ditugu euskara izan dadin gure arteko komunikazio hizkuntza. Gurasoei ere eskatzen diegu etxeko eta seme-alabekiko harremanetan euskaraen aldeko hautua egin dezaten.

Elatzeta Irunen eta Euskal Herrian txertatuta dago eta hemengo kultura, geografía, ohiturak gure kurrikulumaren zati garrantzitsua dira.

korrika 2015-1 Korrika 2015-2

 

KATEA-LANDETXAN ETA IRUNEN TXERTATUTAKO ESKOLA

Elatzetak Katea-Landetxako eta Irungo jarduera desberdinetan parte hartzaile aktiboa izateko bokazioa du. Katea-Landetxan kokatuta gaude eta auzoko ekimenetan parte hartzen dugu. Hala ere azken urteetan Irungo ikasle asko jasotzen dugu, gure ikasleen herena bataz beste eta Irungo bizitza kultural eta sozialean ere eragile aktiboak izan nahi dugu.

1967 dantza taldea Elatzeta kross
1967 2015 Elatzeta kross-a

NATURA, MENDIA, BIZIMODU JASANGARRIA

Naturarekin harreman orekatu bat izan behar dugula sinisten dugu. Ingurumena zaindu beharrari buruzko konzientzia lantzen dugu. Mendi irteerak gure nortasunaren ezaugarri dira, gure geografia eta ingurumena ezagutzen laguntzen digute, natura baloratzen ikasten dugu eta gure arteko harremanak lantzen ditugu.

Mendian Baratzean

 

XXI MENDEKO ESKOLA

Teknologia berriak modu naturalean txertatu ditugu eskolako bizitzan. Etorkizuna bide honetatik heldu da eta indar handia egiten dugu eskola hornitzeko beharrezko materialekin: ordenagailuak, minieramangarriak, harbel digitalak…

ELKARREKIN ARITUZ IKASTEN DUGU

Elkarrekin lan eginez, elkarri lagunduz eta elkarregandik ikasiz azkarrago aurreratzen dugula sinisten dugu. Ikasketa kooperatiboak leku berezia dauka Elatzetan

elkar lana

 

ANIZTASUNA

Anitzak gara eta honek munduaren ikuspegi aberatsagoa osatzen laguntzen digu. Elatzetan elkartzen gara Katea-Landetxako ikasleak eta Irungo beste auzoetatik etorritakoak, Euskal Herrian eta kanpoan jaiotakoak, mutilak eta neskak, familia eredu desberdinetan bizi garenak, gaitasun desberdinak ditugunak…… Denok dugu zerbait eskaintzeko eta zerbait ikasteko. Elkarrekiko errespetua oinarri izanik munduan bizitzeko ikuspegi osoagoa garatzen dugu eta gure kolektibitatearen partaide baliagarriak izaten ikasten dugu.

anitzak gara-1 anitzak gara-4

© ELATZETA IKASTETXEA
Telefonoa: 943937759 | Beste Telefonoa: 943633248 | elatzetaidaz@gmail.com elatzetazuzen@gmail.com 012102aa@hezkuntza.net